Columbus, Ohio (AGGM): Dadweyne aad u faro badan ayaa ka soo qeybgalay xaflad si weyn loo soo agaasimay oo lagu taageerayay Madaxweynaha Maamulka Jubbaland Barre Aadan Shire, waxayna xafladan oo ka dhacday magaalada Columbus Ohio ahayd xaflad si ay ka soo qeyb galeen qeybaha kala duwan ee bulshada Soomaaliyeed.
Waxaa ka hadlay aqoonyahano, Nabadoono, Siyaasiyiin, Haween, Ururo dhalinyaro, iyo qeybaha fanka oo siweyn uga muuqanayay xaflada.
Dadkii ka hadlay waxa ay diirada saareen ahmiyada ay Nabadu u leedahay bulshada iyo sida gobolada Jubbaland ay ugu bahanyihiin is badal lagu kalsoonyahay taas oo ku imaankarta xoojinta Maamulka iminka la dhisay ee uu madaxweynaha ka yahay Barre Aadan Shire si loo gaaro himilo ku salaysan hanaan nabadgalyo iyo qaranimo.
Waxaa si weyn lo taageeray Go’aamadii IGAD ka soo saartay shirkii 50aad ee ay Adiababa ku yesheen, iyo Fashilkii lagu sameeyay shirqoolkii lala magaanaa xukuumada Raysul wasaare Cabdi Farax Shirdoon oo Guuldaraysatay.
Inta badan dadki ka hadlay xafladan waxay ugu baaqeen dowlada Soomaaliya in ay raadiso hanaan qaran sal balaaran oo awood leh iyo in ay caqligeeda iyo maskaxdeda u soo jeediso goboladna oo ah kuwo ay iminka ka jiraan dhibaatooyin siyaasadeed oo ay gacmo shisheeye gadaal ka taaganyihiin.
Dowladaha Ethopia iyo Kenya ayay dadka qaar ka dhawaajiyeen in ay Kismaayo ka wadaan faragali guracan iyo in ay doonayaan in ay wax u dhimaan madax banaanida Soomaaliya kadib markii ay ku kaceen falal ka dhan ah Xoriyadeena. sida in ay dowlada Soomaaliya ku faro galiyaan arimaha Jubbooyinka in ay u cagajugleeyaan Wafdiga dowlada ee Kismaayo, iyo in ay si xooga h ku haystaan Garoonka iyo dekada Kismaayo oo aysan dowladeenu xor u ahayn sida ay hadalka u dhigeen.
Xaflada oo ay dadku aad u xamaasadaysnaayeen waxaa qeynaha majaajilada tumayay fanaaniinta soomaaliyeed ee gobolka Ohio oo Heeso wadaniya ku soo bandhigay goobta.
Waxaa ugu danbayn xafladan ay ku soo afmeerantay Jawi nabadeed iyo rayn rayn.
Filo Dhawaan Maqal Iyo Muuqaal.
Kaafi Yusuf Aaden
Columbus Ohio
Isha Ku Hay Allgalgaduud Media
allgalgaduudf@gmail.com
