Muqdisho(AGGM) Magaalada Muqdisho ee caasimadda soomaaliya waxaa ka socda Qabanqaabada lagu soo dhaweynayo Jeneral Cabaas Gurey oo shalay ciidamada dawlada kiiniya shalay u duuliyeen Magaalada Dhoobley halkaasi oo ay saldhig ciidan ku leeyihiin,waxaana la sheegay in Madaxda dawlada federaalka ah soomaaliya dacwad ka dhan saraakisha Amisom gaar ahaan sarkaalka u sareya ciidamada kiinyia ee ku sugan kismaayo.
Xidhiidh ay taliska ciidamada Amisom ee magaalada muqdisho la sameeyey ciidamada Amisom gaar ahaan ciidamada kiiniya ayaa lagu amray inay 24 gudahooda Magaalada muqdisho gaar ahaan Xarunta Taliska Ciidamada Amisom Ee Muqdisho ku keenaan Jeneraal Cabaas Cismaan Gurey.
Sidoo kale waxaa sarkaalka ugu sareya ciidamada Amisom ee dhinaca kismaayo isagana lagu wargeliyey inuu iska soo xaadiriyo Xarunta guud ee taliska ciidamada Amisom isla markaasna waxaa la sheegayaa in xilka ka qaadis dhinaca ciidamada Amisom ee kismaayo ah laga sameyn doono isla markaasna sarkaal kale oo dawlada kiiniya ka tirsan loo dhiibi doono xilkaasi.
Arrintan ayaa ahayd mid dawlada federaalka ee Soomaaliya aad uga carootey isla markaasna si deg deg ah ugu wargeliyeen Talisha Guud ee Amisom hawsha ka socota Magaalada kismaayo,waxaana ay sheegeen inaysan dawlada soomaaliya u dul qaadan doonin arrimaha ciidamada kiiniya ka wadaan magaalada kismaayo.
Ugu dambeyntii Taliska Guud ee Ciidamada Amisom ayaa sheegey inay talaabo adag ka qaadi doonaan saraakisha ku shaqeya hawlgalada Amisom isla markaasna dhaqan xumadda wada,waxaana ay sheegeen inuu jeneraal Cabaas saacadaaha soo socda soo gaari doono Magaalada Muqdisho ee caasimadda soomaaliya.
Isha Ku Hay Allgalgaduud
Allgalgaduud@gmail.com
