Kismaayo(AGGM) Wararka laga helaayo magaalada Kismaayo ee xarunta gobalka J/hoose ayaa waxa ay sheegayaan in qoysasas ku nool halkaasi ay xilliyada habeenkii xaafadahooda isaga baxaan maalintiina kusoo laabtaan.
Odayaal dhaqameedyo kasoo jeeda Jubooyinka ayaa waxa ay sheegayaan in qoysaskaasi qaxaaya habeenkii ay ku luga aruursadaan xaafado qoysas deris la’ah iyaga oo ka baqdin qaba in ay haabeenkii u soo dhacaan ciidamada Jabhadda Axmed Madoobe ee magaalada gacanta ku haya kuwaas oo bilaabay in ay dhibaateeyaan xilliyada habeenkii qoysaska ay qiyaasayaan in aysan taageera u aheyn maamulkooda.
“Waxa ay bilaabeen Maleeshiyaadka Axmed Madoobe in ay u dhacaan xilliyada habeenkii Qoysaska Kismaayo kunool oo lacag baad ah ay weydiiyaan cidii diidana ay dhac ama dhibaata kale u geetsaan. Arintaas waxa ay dhalisay in qoysaska sidaa gaarka ah loo beegsanayo ay habeenkii dul saar ku noqdaan qoysas kale si ay uga bad-baadaan qatarta. Maalintiina hoygooda ayeey ku soo laabtaan. Arintaas waa caqbad inteeda la’eg”, sidaa nabadoon reer Jubaland ah ayaa ku andacooday.
Waxa uu ugu baaqay nabadoonku Jabhadda Axmed Madoobe in uu shacabka dhibaatada ka daayo oo uu ka ilaaliyo maleeshiyaadka habenkii u dhacaya ee ku qasbaya qoysasku in ay guryahooda uga maataan dhibaato ay ka baqayaan in lagula koco.
Maamulka Axmed Madoobe waxa ay iyana ku cel-celiyaan in aysan jirin wax dhibaata ah oo shacabka ay kula kacaan ciidamadoodu.
Si kastaba, waayihii danbe ayaa waxaa lasoo tebinaayay tacadiyo Kismaayo ay ka geysanayaan ciidanka Axmed Madoobe kuwaa oo isugu jira, dhac, Kufsi, dil, xari iyo jir-dil.
X-Nabadbile Online
Isha Ku Hay Allgalgaduud
Allgalgaduud@gmail.com
