Muqdisho(AGGM) Saaka Waberigii waxa wadada shaqaalaha ee Magaalada Muqdisho ka dhacay qaraxyo dhawr ah kuwaasi oo lagu bartilmaameedsaday Tiirarka Layrka ee Sollarka ku shaqeeya,waxaana la sheegaya inay laabo baale ay ku dhulka soo dhigeen kooxda Alshabaab oo dagaal kula jiran baalayaasha qoraxda ku shaqeeya.
Goob jooge ku sugnaa xilligaasi wadada shaqaalaha ayaa warbaahinta Allgalgaaduud u xaqiijiyey inay qaraxyadaasi dhaceen isla markaasna burbur ka soo gaarey laba baale oo ka mid ah kuwa qoraxda ku shaqeeya,waxaana uu sheegay in arriintaasi ay ka dambeeyaan kooxda Alshabaab
Alshabaab ayaa dagaal culus kula jira dawlada federaalka, Baalayaasha layrka,Ciidamada Amisom & Cid kasta oo tageerta dawlada federaalka ah ee soomaaliya,waxaana la xaqiijinayaa in talaabadaasi ay tahay mid ay ku doonayaan inay ku wiiqaan nabad ka dhalata dalka soomaaliya
Ugu dambeyntii horay ayaa sidaan oo kale waxaa loo qarxiyay baalayaasha soolarka iftiinka dhaliya habeenkii ee ku xiran Magaalada Muqdisho kuwaasi oo hay’adaha Ammaanka ay ku eedeeyaan Ururka Al Shabaab. Alshabab waxay inta badan doonayan inay meelo aan ifitin ka jirin ay ku dilaan dadka shacabka ah isla markaasna waxay dagaal balaaran kula jiraan shirkadaha korontadda.
Isha Ku Hay Allgalgaduud
Allgalgaduud@gmail.com
