Jowhar (AGGM): Sida ay sheegayaan wararka naga soo gaaray Degmada Jowhar ee xarunta Gobalka Shabeelaha dhexe, qarax khasaaro geystay ayaa wuxuu ka dhacay halkaasi.
Qaraxa oo ahaa bambada nooca gacanta laga tuuro ayaa waxaa lala eegtay ciidamo ka tirsan Dowladda federaalka Soomaaliya oo ku sugnaa xaafada Hantiwadaag ee Degmada Jowhar, gaar ahaan suuqa Jaadka lagu gado.
Hal askari oo ka tirsan ciidanka Dowladda ayaa ku dhaawacmay qaraxaasi, waxaa sidoo kale dhaawac uu soo gaaray wiil yar oo ku sugnaa suuqa jaadka.
Dhanka kale god carakaawo ayaa waxa ay kusoo duntay shaqaalihii ka shaqeynaye, Xaafada Horseed ee Magaalada Jowhar, iyadoo halkaasiuu ku geeriyooday hal ruux oo kamid ahaa shaqalihii godka ka shaqeynaye.
Amuurtaan ayaa dhacday shalay galab, waxaana godka soo dumay ka bad-baaday shaqaalo kale oo kamid ahaa kuwii godka ka shaqeynaye.
Halkan Guji Kuna Dhageyso Mobilkaaga…
Dhageyso Qaraxan Ka Dhacay Magaalada Jowhar
Isha Ku Hay Allgalgaduud Media
allgalgaduud@gmail.com
