Muqdisho (AGGM): Ururka suxufiyiinta qaranka Soomaaliya (NUSOJ) ayaa ka tacsiyeeyay geerida ku timid Aw-Jaamac Cumar Ciise oo ka mid ahaa qorayaasha caanka ah ee Soomaalida.
Allaha u naxariistee, Aw-Jaamac oo ahaa qoraaga buugaag dhowr ah oo uu ka mid yahay buugga taariikhdii Daraawiishta iyo gabayadii Sayid Maxamed Cabdulle Xasan ayaa shalay ku geeriyooday dalka Djibouti oo uu muddo ku noolaa.
Xoghayaha Guud ee Ururka Qaran ee Suxufiyiinta Soomaaliyeed, Mohamed Ibrahim (Bakistaan) ayaa u diray tacsi ummadda Soomaaliyeed, gaar ahaan qosykii uu ka tagay marxuumka.
Wuxuu sheegay in lagu xasuusan doono buugaagtii uu qoray oo lagu nooleynayay Af-Soomaaliga, wuxuuna Alle uga rajeeyay inuu jannada ka waraabiyo.
Isha Ku Hay Allgalgaduud Media
allgalgaduud@gmail.com
