Caabudwaaq (AGGM):Xaalad deganaansho ah ayaa ka jirta degaanno hoostaga degmada Balanballe ee gobolka Galguduud oo ay dhawaan ku dagaallameen maleeshiyaad beeleed.
Odayaal iyo Culimo degaanka ah ayaa gaaray degaannadaasi waxayna ku howlan yihiin sidii ay u xallin lahaayeen xiisadda isla markaana u heshiisiin lahaayeen maleeshiyaadka dagaallamay.
Nabaddoon Aadan Cigaal oo ka mid ah waxgaradka gaaray degaannada ay dagaalladu ka dhaceen ayaa sheegay in dad badan oo wax garad ah ay gaareen halkaasi, ayna ku rajo wayn yihiin in dhawaan la soo gabagabeeyo xiisaddaasi.
Wariye Cabdikariim Axmed Bulxan ayaa ku soo warramaya in wafdi ka socda degaanka Soomaalida Ethiopia ay gaareen degaannada ay dagaalladu ka dhaceen si ay uga qeyb qaataan nabadeynta beelahaasi.
Isha Ku Hay Allgalgaduud Media
allgalgaduud@gmail.com
