Muqdisho, AGGM:Afhayeenka Al-shabaab Cali Maxamuud Raage “Cali Dheere” ayaa sheegay in Al-shabaab ay wadayaan Dilalka iyo Beegsiga ay ku hayaan Ciidamada Ilaalada Wadooyinka Soomaaliya.
Cali Maxamuud Raage ayaa sheegay in Al-shabaab xiliyadii hore ay ka Wareegsan jireen Ciidamada Ilaalada Wadooyinka Soomaaliya Balse hada ay ku dareen Dadka ay Beegsanayaan.
Maalmihii la soo dhaafay Magaalada Muqdisho ee Caasimada Dalka waxaa lagu dilay ilaa 4 Askari oo ka tirsan Ciidamada Ilaalada Wadooyinka Ee Dowladda Soomaaliya.
Dad badan ayaa Qaba in Sababta Al-shabaab ay u beegsanayaan Ciidamada Ilaalada Wadooyinka ay tahay,in Ciidamada Taraafikada ay baaritaan ku sameeyeen Gaadiid Falal Amaandaro lagu geeysan rabay oo Al-shabaab ay leeyihiin.
Isha Ku Hay Allgalgaduud Media
allgalgaduud@gmail.com
