Muqdisho, AGGM:Sida ay sheegayaan wararka naga soo gaaraya Xaafada Suuqa Xoolaha ee Degmada Heliwaa, kooxo hubaysan ayaa goordhaweyd oo maanta ah, waxa ay dileen haweenay kamid aheyd dadka deegaanka.
Waxaa magaceeda lagu sheegay Haweenaydaasi Shamso Warsame, waxaana ay aheyd haweenay da’ ah oo ugu yaraan ifka kaga tagtay 8-caruur ah oo ubadan ilmo waaweyn.
Raga hubaysan ayaa haweenayda waxa ay ku dileen Xaafada Suuqa Xoolaha, gaar ahaan halka loo yaqaan Ceelka Milateriga, xilli ay ku sugneyd miisyar oo ay ku iibin jirtay Khudaarta Adeega Xaafadaha.
Kooxaha falka dilka ah geystay ayaa ka baxsaday goobta, iyadoo aysan suuragelin in ciidamada ammaanka Degmada Heliwaa ay soo qabtaan ragaasi, Manaxayaasha ah ee dilay Haweenayda.
Bartilmaameedka lagu haayo Haweenka ayaa kusoo badanaya Xaafada Suuqa Xoolaha ee Degmada Heliwaa.
Isha Ku Hay Allgalgaduud Media
allgalgaduud@gmail.com
