Wararka laga helayo Degmada Jilib ee Gobolka Jubada Dhexe ayaa sheegaya in Dagaal yahanada Xarakada Al Shabaab ay Xalay 3 Gaari oo nuuca raaxada ay ku gubeen gudaha Degmada Jilib ee Gobolkaasi.
Xarakada Al Shabaab ayaa dab qabad siiyay Baabuurtaasi kadib markii ay uga shakiyeen 3-daasi Gaari in lagu soo xiray qalab la shaqeeya Diyaaradaha Drones-ka ee inta badan duqeeya Saraakiisha Xarakada Al Shabaab.
Saraakiisha Xarakada Al Shabaab ayaa muddooyinkan dambe ka shakisnaa Baabuurtaasi maadaama ay sheegeen in markii la kaxeystaba ay soo kacayeen Diyaarado Dagaal oo nuuca Drones-ka.
Goobjooge la hadlay Idaacadda Idaacadda Shabelle ee Magaalada Muqdisho ayaa xaqiijiyay in Xarakadu ay gubeen 3-daasi Gaari.
Sikastaba, Diyaaradaha nuuca Drones-ka ayaa Weeraro dhowr ah ay ka fuliyeen qeybo ka mid ah Gobolada Dalka Soomaaliya waxaa ku dhintay Saraakiil iyo Hogaamiyeyaal ka tirsanaa Xarakada Al Shabaaab.
