Dowladda Soomaaliya ayaa sheegtay in dowladda Jarmalka ay ka taageerayso dhinacyada isku dhafka ciidanka qalabka sida iyo sidoo kale tababarada ciidanka dowladda Soomaaliya.
Afhayeenka Madaxtooyada Soomaaliya Daauud Aweys Jamac ayaa sheegay in dowladda Jarmalka ay balan qaaday in ay Soomaaliya ka taageerayso isku dhafka ciidanka xoogga dalka Soomaaliyeed.
Dowladda Soomaaliya ayaa wada qorsho lagu doonaayo in laysku dhafo ciidanka xoogga dalka Soomaaliyeed.
Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa Xarunta Madaxtooyada ku qaabilay wafdi uu horkacayay Agaasimaha Guud ee Wasaaradda Arrimaha Dibedda ee Jamhuuriyadda Federaalka Jarmalka ugu qaabilsan arrimaha dalalka Afrika ee Saxaraha ka hooseeya, Danjire Georg Schmidt, waxayna ka wadahadleen arimo ay ka mid yihiin hormarinta ciidanka xoogga dalka Soomaaliyeed.
