War deg deg ah oo ay hadda ku dhawaaqeen Saraakiisha hogaaminaysa ciidamada Sida gaarka ah u tababaran ee DANAB dawladda Faderaalka & PSF-ta ee Puntland oo maalmahaan kusugnaa magaalada Gaalkacyo ayaa sheegay in ay soo qabteen Saraakiil sar sare oo katirsan kooxda Al- Shabaab, gaar ahaana kuwa u dhashay dalalka Caalamka qaarkood.
Saraakiishu waxay sheegeen in ay hadda hayaan Saraakiil Ajnabi ah oo uu ka mid yahay Siciid Cabdulaahi Abukar(Suudaani) oo u dhashay dalka Suudaan iyo shaqsiyaad kale oo badan, kuwaas oo hadda ay gacanta ku hayaan ciidamada Nabadsugidu.
Saraakiishu waxay kaloo cadeeyeen in ay sii wadayaan howlgaladan oo aysan dhamaan, ayna saacad kasta la dagaalami doonaan Unugyada Argagixisada oo mar kasta doonaya in ay dumiyaan amniga iyo daganaanshaha guud.
Ciidamada DANAB ayaa Gaalkacyo soo gaaray dhawaan, waxay galeen Hotelo iyo xarumo waa weyn oo kuyaala magaaladaas, waxaana sida hada muuqata gacanta lagu hayaa shaqsiyaad muhiim ah.
