Munadamada horumarinta Culumada dalka Indoniisiya, ayaa ka codsatay Madaxda Shirkadda Google in ay magaca falastiin dib ugu soo celiyaan khariidada,kadib markii ay Shirkaddu ku dul qortay magaca Israel.
Guddoomiyada Munadamadaasi, sheikh Saciid Caqiil, ayaa sheegay in arrintan inta aysan kicinin shucuurta Diiniga ah, loo baahan yahay in si deh deh ah loo xaliyo,Hadii kale ay Culumada Indoniisiya kifaax adag u gelin doonaan sidii magaca falastiin loogu qori lahaa khariidada.
Maalayiin qof ayaa baraha ay bulshadu ku wada xiriirto ku soo bandhigay rayigooda ah, sida ay ugu xun yihiin talaabada uu qaaday google oo ah in ay magaca falastiin ugu dul qortay kan Israel, waxayna cadeeyeen in google uu Israel ku taageerayo sidii ay khariidada caalamka uga qarin laheyd magaca falstiin, ayna u sii wadi laheyd dulmiga iyo ihaanada ay ku hayso shacabka Falastiin.
