Maxkamadda Ciidamada qalabka sida ee Uganda ayaa shalay dambi ku heshay 9 askari ka tirsan howl galka AMISOM, kuwaasoo bishii June ee la soo dhaafay la qabtay, iyagoo ku guda jiray iibsashada shidaalka ciidamada AMISOM.
Sagaalkan askari ayaa lagu xukumay xabsi u dhaxeeya sanad illaa saddex sano, waxaana lagu xukumay sababo la xiriira si xun u dhaqankooda, isla markaana ay ku kaceen dano shaqsiyadeed oo halis ku ah ciidamada difaaca Uganda.
Guddoomiyaha Maxkamadda Ciidamada qalabka sida ee Uganda Dick Olum iyo koox saraakiil ka socotay AMISOM oo bishii la soo dhaafay Muqdisho u yimid maxkamadeynta askartan ayaa xukunka riday
Ka sokow askarta xabsiga lagu xukumay, saddex askari oo kale ayaa sidoo kale laga eryey ciidanka, ayaga oo aan heli doonin wax lacag ah oo ku saabsan muddadii ay ciidanka u shaqeynayeen.
Askarta loo xiray falkan dambiga ah bishii June ayaa ahaa shan askari, hase yeeshee baaritaan kadib ayaa la ogaaday in tirada guud ee askarta ku lugta leh falkan ay ahaayeen 18 askari, ayada oo lix ka mid ah dambiga lagu waayay.
Hoos ka Daawo Sawirada:-
