Taliyaha Ciidanka Booliska maamulka Galmudug Cabdicasiis Yuusuf Dhagabadan ayaa sheegay in ciidanka Booliska maamulka Galmudug ay u diyaar garoobeen suggitaanka amniga goobaha ay dhacaayaan Doorashooyinka maamulka Galmudug.
Taliyaha ayaa faray ciidanka Booliska in ay adkeeyaan amniga goobaha ay ka dhacayaan doorashooyinka.
Waxa uu sheegay in ay arintaasi ay ka taageeraayaan ciidanka Booliska Soomaaliyeed ,isagoona u mahadceliyay taliyaha ciidanka Booliska Soomaaliyeed General Maxamed Sheekh Xasan Xaamud.
Dhawaan ayay aheyd markii Madaxweyne ku xigeenka Galmudug Maxamed Xaashi Cabdi Carabay uu sheegay in maamulka Galmudug ay u diyaar garoobeen suggitaanka amniga goobaha lagu qabanaayo doorashada xildhibaanada.
