Ciidanka Maamulka Koonfur Galbeed oo garab ka helaya kuwa dowladda Soomaaliya ayaa Al-shabaab kala wareegay deegaanka Buulo-xaawo oo ku yaala inta u dhaxeysa Bardaale iyo Degmada Qansax-dheere ee Gobolka Baay.
Taliye ku xigeenka ciidanka Booliska gaarka ah ee Maamulka Koonfur Galbeed Maxamed Isaaq Cari Case oo wareysi siiyay Idaacadda Risaala ayaa sheegay dagaalka ka dhacay Buulo-xaawo in ciidanka ay ugu suura gashay in ay la wareegaan deegaankaasi iyo Tuulooyin hoostaga.
Ciidamada oo aanan la kulmin dagaal sidaa u buuran ayuu sheegay Taliye ku xigeenka inay qabsadeen deegaankaasi, kadib markii Shabaabkii halkaasi joogay ay isaga carareen.
Sarkaalkaan ayaa ku hanjabay inuu sii socon doono howlgalada ka dhanka ah Ururka Al Shabaab inta deeganada Koonfur Galbeed laga xureynaayo Shabaab.
Madaxweynaha Koonfur Galbeed oo shalay kulan kula qaatay magaalada Baydhabo Wasiirada Maamulkaasi ayaa amar ku bixiyay in ciidamada ay qaadaan howlgalo Shabaab ka dhan ah.
Hoos ka Dhageyso Codka:-
