Booliska la-dagaallanka argagixisada Britain ayaa qabtay shan nin oo looga shakiyay in ay abaabulaayeen fal argagixiso .
Laba ka mid ah tuhmanayaasha oo da’doodu tahay 32 iyo 37 , ayaa lagu qabtay jimcihii Aagga Staffordshire ee gobolka ee West Midlands ee Dalka Britain , waxaana ciidanka Booliska ay ku wadaan baaritaano dheeraad ah .
Sidoo kale ciidanka La-dagaallanka Argagixisada ayaa soo qabtay Seddex nin oo kale oo la sheegay in ay maleegaayeen weeraro , waxaana laga soo qabtay guryo ku yaalla magaalada Birmingham ,waxaana ciidanka Booliska ay da’dooda ku sheegeen 18 , 24 iyo 28 jir.
Ciidanka ayaa sheegay in kooxdaasi ay diyaarinaayeen weeraro lagu qaado goobo muhiim oo ku yaalla magaalooyinka Birmingham iyo London ee Caasimada dalka Britain.
” Ciidanka Booliska Shantaan nin qaarkood waxa ay kusoo qabteen waxyaabo muujinaya weeraro argagixiso ,waxaana ku wadnaa baaritaano , Ciidanka ammaanka waxay ka hortageen Khatar kusoo wajahneyd shacab weynaha UK ” ayuu yiri Afhayeenka Booliska
