War deg deg ah oo hadda naga soo gaaray magaalada Gaalkacyo ee xarunta gobalka Mudug ayaa sheegaya in rasaas xoogan hadda laga maqlayo galbeedka Xaafadda Garsoor, gaar ahaana halka loo yaqaano Xurfada oo ay Maleeshiyaad Galmudug ah dhisme ka wadeen.
Wararka ayaa sheegaya in rasaastu ay hadda dhacayso, ilaa haddana saraakiisha ciidamada dawladdu kama hadlin rasaastan hadda laga maqlayo aagan.
Maleeshiyaadka Galmudug ayaa ilaa xalay lagu soo daad-gureynayey goobtan, laakiin dawladda Puntland ayaa ciidamo badan geysay goobta meel wax yar u jirta.
Wararka ayaa sheegaya in maleeshiyaad ka soo jeeda Xaafadda Garsoor ay diideen haba yaraatee in dhisme ah laga sameeyo goobtan, waxayna si cad ugu dhawaaqeen in aysan waxba gorgortan ah gali doonin.
