Qaar ka mid ah warbaahinta Mareykanka ayaa sheegay in agaasimaha hey’ada FBI-da Mareykanka James Comey uu weydiisan doono Waaxda Cadaaladda in ay si cad u diiddo eedeynta uu madaxweyne Donald Trump ku eedeeyey in madaxweyne Barack Obama uu dhageystay telefoonada Daarta Trump ee magaalada New York.
Wargeyska New York Times iyo Telefishinka NBC News ayaa ku waramay in Comey uu aaminsanyahay in ay eedaha Trump ay yihiin kuwo been ah. Waxaa kale oo ay sheegeen in uu meesha ka saaray in FBI-du ay arrintani ku lug laheyd.
Waaxda Cadaaladda iyo FBI-da midna kama aysan hadlin ilaa iyo iminka hadalkan ay sheegeen warbaahinta Mareykanka.
