Sida ay sheegayaan wararka inaga soo gaaraya wadada ka timaado deegaanka Jazeera ee duleedka dhanka Koonfureed ee Magaalada Muqdisho, qarax gaari loo adeegsaday ayaa halkaasi ka dhacay.
Qaraxan ayaa wuxuu ka dhacay goob Koontarool ah oo ay ku sugan yihiin ciidamada dowladda Federalka Somaliya, waxaana isku qarxiyay gaari waxyaabaha qarxa laga soo buuxiyay.
Saraakiil ka tirsan dowladda Somaliya ayaa xaqiijiyay in qaraxaasi ay waxyeelo ka soo gaartay ciidamada dowladda ee goobtaasi Koontarool ah ku sugnaa.
Wararka waxa ay sheegayaan gaarigaan waxyaabaha qarxa laga soo buuxiyay inuu ka yimid dhanka Gobolka Shabellaha hoose.
Meesha qaraxa uu ka dhacay ayaa waxa ay ku dhaw dahay Warshadii hore ee Nacnaca Degmada Wadajir.
