General Amiin Sayid Barakow ka tirsan Ciidamada Xoogga Soomaaliya ayaa xalay ka badbaaday isku day dil kadib weerar ay Ku soo qaadeen koox bastooladley ah waxaana dhaawac uu soo gaaray mid ka mid ah ilaaladiisa.
Gen Amiin ayaa xilligii la weeraraayay waxa socod lug ah Ku maraayay Degmada Boondheere gaar ahaan nawaaxiga taalada Boondheere waxana la sheegay in uu ka cararay weerarkaasi.
Askari ka mid ah ilaaladiisa ayaa dhaawac halis ah ka soo gaaray rasaas ay is dhaafsadeen isaga iyo kooxdii weerarka soo qaaday.
Laguma guuleysan in la soo qabto kooxdaasi waxaana Ku baxay ciidamo ka tirsan Milatariga Soomaaliya.
Taalada Boondheere ayaa Ku taala meel muhiim ah oo ay Ku xoogan tahay Dowlada Soomaaliya sidoo kalane waxay Ku dhawdahay Madaxtooyada Soomaaliya.
