Wasiir ku-xigeenka Wasaaradda Arrimaha Dibada Dowladda Turky-ga ayaa maanta oo Arbaco ah xaqiijiyay in Dowladda turkey-ga ay dhamaan wadamda Qaaradda Afrika ay ka furan doonto Safaaraheeda.
Ahmet Yildiz oo warbaahinta kula hadlay Magaalada Addis Ababa ee caasimadda dalka Ethopia ayaa sheegay in Turky-ga uu ka shaqeyn doono sidii loo balaarin lahaa xiriirka kala dhaxeeya wadamada qaaradda Afrika oo haatan aad u yar, madaama safaaradaha Turky-ga ay yihiin kuwa cayiman.
“Ma doonayno in aan hormarino xiriirka cayiman ee nagala dhaxeeya qaar kamid ah wadamada qaaraddda Afrika, dhamaan ayaan safaarado ka furan doonaa, Turky-ga waxa uu sameyn doonaa xiriir joogto ah oo ku aadan sidii loo hormarin ahaa xiriirka wadamada qaaradda Afrika”, ayuu yiri Ahmet Yildiz.
Safaaradaha turkey-ga ee ka yaala qaaradda Africa ayaa aad u yaraa tobankii sano aynu soo dhaafnay, 2009-kii 12-safaaradood ayay dowladda turkyga ay ku laheyd Soomaiya, balse haatan 39-safaradood ay ku leeyihiin sida uu sheegay Wasiir ku-xigeenka Wasaaradda Arrimaha Dibada Dowladda Turky-ga Ahmet Yildiz.
