Taliyaha Ciidanka kumaandooska Danab ee Xoogga Dalka Gaashaanle Caydaruus Maxamed Xasan ayaa sheegay in Ciidanka DANAB ay doorweyn ku leeyihiin howlgallada ka socda dalka ee ka dhanka ah Ururka Al-Shabaab.
Taliyaha oo hadal ka jeedinayay Muaasabad tababar loogu soo xirayay Ciidamo kamid noqonaya DANAB ayaa sheegay inay leeyihiin taariik weyn oo la xiriirta howlgallada.
Dhammaan Ciidamada tababarka qaatay ayuu kula dardaarmay taliyaha inay u diyaar garoobaan ka qeyb galka wajiga labaad ee howlgalka ka dhanka ah Al-Shabaab, kaas oo dhawaan billaabanaya.
Ciidanka Kumaandooska xoogga dalka Soomaaliyeed ee DANAB oo ay taageerada siiso dowladda Mareykanka ayaa waxaa ay fuliyaan howlgallada garaka ah ee ka dhanka ah Al-Shabaab.
