Waxaa Saaka dab la qabad siiyay Buuundo ku taalla magaalada Muqdisho, waxaana qaybo badan oo ka mid ah Caasimadda laga arkayay uuro iyo qiic is qabsaday oo ka dhashay dabkaasi la sheegay in la qabadsiiyay Buundada.
Buundada ayaa xigta Schoolkii hore farsamada gacanta ee buulo Tikniko, waxaana lasoo sheegayaa inay macquul tahay in dabku uu sii faafo maaddaama uu yahay mid aad u xooggan oo meelo badan gaari kara.
Gubashada Buundada ayaa timid kadib markii sida la sheegay Koox Cabtooy ay dab qabadsiiyeen, waxaana Buundadaasi ay hooy u ahayd dhalinyarada darbi jiifka ah.
Ilaa iyo hadda ma cadda sababta rasmiga ah ee ka dambaysay in dhalinyaradaasi ay dab qabadsiiyaan Buundada, waxaana socda dadaallo lagu daminayo dabkaasi.
