Taliska ciidamada Mareykanka ee qaarada Afrika ee AFRICOM ayaa ka hadlay duqeyn ka dhacday tuulada Ceel-Lahelay ee Gobolka Galgaduud, taasi oo dhimasho iyo dhaawac ku noqdeen dad shacab ah oo ku sugnaa goobta uu bartilmaameedka duqeynta ka dhacday
War-saxaafadeed kasoo baxay Taliska AFRICOM ayaa waxaa lagu sheegay in duqeynta oo dhacday 6-dii bishaan September 2023 ay waxyeelo kasoo gaartay dad shacab ah, sidoo kalena lagu dilay saraakiil ka tirsaneyd dagaalamayaasha Al-Shabaab.
AFRICOM ayaa Warka ay soo saartay ku sheegay in aysan iyagu ku jirin weerar dhanka cirka oo ka dhacay tuulada Ceel-Lahelay ee Gobolka Galgaduud, inkastoo ay tilmaameen in dowladda Soomaaliya uu uga yimid Codsi ahaa inay goobta ka qaadaan dhaawacyada dadka shacabka ah.
Maraykanku ma sheegin tirada dadka rayidka ah ee goobta ku dhintay ama ku dhaawacmay, balse dadka deegaanka waxay BBC-da u sheegeen in haweeyney da’ ah iyo shan caruurra oo ay ayeeyo u ahayd inay ku dhinteen weerarka.
