Baabuur ay saarnaayeen walxaha qarxa ayaa lagu weeraray xero Ciidanka Boolis militaaro ay ku leeyihiin degmada Dayniile.
Dad Goobjoogayaal ah ayaa Warbaahinta Risaala u sheegay in ay arkeen baabuur qaraxyo laga soo buuxiyay hal mar lagu dhuftay xerada ay ciidanka degnaayeen, waxaana qaraxa kaddib halkaasi ka bilaabatay rasaas ay ridayeen ciidanka ku sugan Xerada .
Lama soo sheegin ilaa hadda khasaare ka dhashay qaraxa, waxaana goobta uu ka dhacay weerarka gaaray Hay’adaha Amniga oo diiday in loo dhawaado .
Dadka deegaanka ayaa soo sheegaya in qaraxa uu waxyeelo gaarsiiyay guryo ka agdhow xerada la weeraray, waxaana goobta uu weerarka ka dhacay gaaray gaadiidka gurmadka deg dega ee loo yaqaan ambalaasta.
Alshabaab oo sheegatay Mas’uuliyaada Weerarkaas ayaa sheegatay in weerar ku bilowday Qaraxyo ay dagaalama yaashooda ku qaadeen xarun ay degmada Deeyniile ku leeyihiin ciidanka Boolis militaaro .
