Khasaaro isugu jira dhimasho iyo dhaawac ayaa ka dhashay dagaal markale meelo kamid ah dhulka Dowlad degaanka Soomaalida gaar ahaan aagga barakacayaasha ee Qollaji ku dhexmaray Ciidamada degaanka Soomaalida iyo kuwa gobolka Oromada.
Dagaalkan ayaa goobjoogayaal ay sheegeen in uu ahaa mid ka xoogan dagaalladii toddobaadkii hore isla aaggan ku dhex maray Soomaalida iyo Oromada, isla markaana la isu adeegsaday hubka waawayn, kaas oo laga maqlay Qollaji iyo dhammaan tuulooyinka u dhow.
Warraka la helay ayaa waxaa ay sheegayaan in dagaalka ay ku dhinteen ku dhawaad 7 Ruux in ka badan 10 Ruuxna ay ku dhaawacmeen, sidoo kalena dhinacyada ay heleen gurmadyo kala duwan, isla markaana weli xiisad dagaal ay ka taagan tahay goobihii lagu dagaalamay.
Saddexdii maalmood ee u dambeeyay ayaa dadka degaanka Qollaji waxay ka nasteen dagaallo dhowr maalmood ka socday tuulada Qollaji, dagaalladaas oo u dhaxeeyay Soomaalida iyo Oromada, kaas oo markii dambe ay soo kala dhexgaleen Ciidamada Millitariga Itoobiya.
