Ciidamada Daraawiishta dowlad Goboleedka Jubbaland ayaa howlgallo xoogan waxaa ay ka billaabeen degaano kuyaalla duleedka magaalada Kismaayo kadib dagaal saacadihii la soo dhaafay ka dhacay.
Ciidamada oo wata Gaadiidka dagaalka iyo hubka noocyadiisa kala duwan ayaa howlgallada ka wada degaanka Buulo-Xaaji, halkaas oo shalay ay ku dagaalameen Ciidamada Jubbaland iyo Xubno katirsan Al-Shabaab kadib markii ay Ciidamada Jubbaland weerareen Goob ay ku shirayeen Xubno katirsan Al-Shabaab.
Wararkii ugu dambeeyay ee naga soo gaaraya degaanka Buulo-Xaaji ayaa sheegaya in Ciidamada Jubbaland uu howlgalkooda isugu jiro, mid ay ka fulinayaan dhulka howdka ah, mid Gaadiidka lagu baarayo iyo howlgallo miino baaris ah oo laga sameeynayo waddooyinka soo gala Magaalada Kismaayo.
Ciidamada Daraawiishta dowlad Goboleedka Jubbaland iyo kuwa Kumaandoosta xoogga dalka Soomaaliyeed ee DANAB ayaa todobaadyadii la soo dhaafay waday howlgallo xoogan, iyada oo Maamulka Jubbaland uu u diyaar garoobayo billaabida wajiga labaad ee howlgalka ka dhanka ah Al-Shabaab,
