Caabudwaaq(AGGM) Maanta waxaa garoonka diyaaradaha magaalada cabudwaaq ka soo degay Siyaasiga caanka ah ee Mudane Cabdiqani Shiikh Cali Diini & xubno la socday, waxaana si weyn ugu soo dhaweyey garoonka magaalada caabudwaaq waxgaradka, Aqoonyahadda,siyaasiyiinta, Dhalinyaradda & Maamulka Degmada Caabudwaaq ee Dawlada federaalka ah.
Cabdiqani Shiikh Cali Diini ayaa ah gudoomiyaha ururka SDSI,waxaana ururka uu gudoomiyaha ka yahay wax badan ka qabtey waxyabo badan oo adeegga bulshada sida ka qayb qaadashadii dhismaha garoonka magaalada cabudwaaq iyo Waxbarasha,waxaana lagu wadaa hadda inuu wax badan ka hir geliyo magaalada caabudwaaq oo shacabku u baahan yihiin.
Cabdiqani Shiikh Cali Diini waxaa uu sheegey inuu hadda u yimi inuu Magaalada Caabudwaaq ka hirgaliyo mashaariic isugu jirta horumarinta Waxbarashada,Biyaha & hirgelinta Warshado yar yar oo wax soo saar leh,waxaana uu sheegey inuu doonayo inuu degmada caabudwaaq la tartansiiyo degaamada kale ee horumarka sameeyey.
Mudane Cabdiqani Shiikh Cali waxaa uu degmada Caabudwaaq ka maqnaa mudo aad u dheer waxaan uu aad u amaanay horumarka shacabka caabudwaaq ka sameeyeen bilicda iyo dhismaha quruxda badan ee ay magaalada ka hirgaliyeen,waxaana uu shaaciyey inuu isan dhankiisa wax badan ka qaban doono baahida degmada caabudwaaq.
Ugu dambeyntii waxaa lagu wadaa inuu maalmaha soo socda magaalada caabudwaaq kulamo muhiim ah oo dhinaca horumarka ah kala yeesho maamulka degmada caabudwaaq isla markaasna laga hadlo sidii wax badan loo qaban lahaa baahiyaha waxbarashada ee degmada caabudwaaq ee gaarisan ilaa dugsi sare iyo heer jaamacadeed.
Isha Ku Hay Allgalgaduud
Allgalgaduud@gmail.com
