Caabudwaaq(AGGM) Waxaa maanta si weyn Magaalada Caabudwaaq ee degmada Gobolka Galgaduud lagu soo dhaweeyey Abaandulaha ciidamada xoogga dalka Soomaaliyeed Jeneraal Cabdirisaaq Khaliif Cilmi iyo masuul ka tirsan maamulka gobolka Galgaduud,waxaana halkaasi ku soo dhaweyey qaybaha kala duwan ee bulshadda ku dhaqan degmada Caabudwaaq.
Jeneraal Cabdirisaaq Khaliif Cilmi iyo xubnaha la socdaa waxay kulamo muhiim ah la qaateen Maamulka Degmada Caabudwaaq ee gobolka Galgaduud, Waxgaradka iyo qaybaha kala duwan ee Bulshada waxaana ay kala hadleen sidii loogu dadaali lahaa nabadda iyo horumarka gobolka galgaduud.
Sidoo kale waxaa ay Masuuliyiinta Maanta booqatey degmada Caabudwaaq qaybaha kala duwan ee ay la kulmeen kala hadleen sidii dawlada federaalka ah ee soomaaliya loo garab istaagi lahaa isla markaasna wax badan loo qaban lahaa dhibaatooyinka amni darro ee kooxaha Alshabaab ka wadaan qaybo badan oo gobolka Galgaduud ka tirsan.
Sidoo kale waxaa masuuliyiintani sheegeen inay qaramaynayaan ciidamada Maamulka Ahlusuna waljameeca iyo kuwa Maamulka Degmada Caabudwaaq isla markaasna laga dhigayo ciidamo hoos taga taliska ciidanka xooga dalka Soomaaliyeed,waxaana sidoo kale ay balan qaadeen inay Mushaharaadkooda & qalabeyntooda qayb lixaad leh dawlada federaalku ka qaadanayso.
Ugu dambeyntii masuuliyiinta maanta booqday degmada Caabudwaaq waxay halkaasi kala kulmeen soo dhaweyn aad u wanaagsan,waxaana ay sheegeen inay maalmaha soo socda ku sugnaan doonaan magaalada Caabudwaaq isla markaasna u gudbi doonaan degaano badan oo ay ka mid yihiin, Balanbal,Xeraale & Dhabad oo ay kulamo la soo qaadanayana waxgaradka iyo maamulada ku dhaqan.
Isha Ku Hay Allgalgaduud
Allgalgaduud@gmail.com
