Wararka naga soo gaaraya deegaanka Goorisane oo ka tirsan gobolka Bay ayaa sheegaya in ciidanka dowladda Soomaaliya ay la wareegeen deegaankaasi ka dib markii ay iska baxeen ururka Al-Shabaab.
Taliska Qaybta 60-aad ee ciidamada Xoogga dalka Soomaaliya ayaa sheegay in ciidanka ay gaareen deegaano ka tirsan gobolka Baay oo gacanta ay ku hayeen Ururka Al Shabaab.
Ciidanka dowladda Soomaaliya oo ka ambabaxay magaalada Baydhabo ayaa gaaray deegaanka Goorisane , waxaana la sheegaya marka ay ciidamada halkaasi gaareen in ay iska baxeen dagaalyahanada Al-Shabaab.
Warar kala duwan oo kasoo baxaya deegaanada ay la wareegeen ciidanka dowladda Soomaaliya ayaa sheegaya in ciidanka dowladda Soomaaliya dib uga soo baxeen Goorisane ka dib howlgal ay halkaasi ka sameeyeen.
