Kala Carar ayaa ka Jira Saaka deegaanada Al Shabaab kaga sugan yihiin Gobolka Jubada Dhexe kadib xaalad culus oo kusoo foodsaartay Halkaasi.
Dadka deegaanadaasi ku dhaqan ayaa labo dhibaato qaba, Waa Mida Koobaad inay dhibaato loo wado Shabaabka iyagu ku habsato Iyo inay ka hadli Karin dhibaatadaasi marka ay ku dhacdo oo ay ka cabsanayaan Shabaabka.
Wararka ka imaanaya Saaka Degmada Jilib waxay sheegayaan in halkaasi lagu garaacay Xalay duqeymo diyaarado ay geysteen iyadoo xilliga oo habeen ahaa la ogaan Karin khasaaraha inta uu la eg yahay.
Faah faahinada la helayo waxay sheegayaan in dhowr gantaal ay ku dhaceen baro ay ku sugnaayeen Saraakiil katirsan Al Shabaab kuna darso Jilib oo ubucda ay ugu xoogan yihiin Madaxda Al Shabaabku.
Wararka ka imaanaya Saaka Hargeysa yareey ayaa sheegaya in duqeyaha ugu badan ay ku dhaceen halkaasi islamarkaana ay isgaarsiintii oo hawada ka maqan.
Gaadiid dagaal ayaa la arkayey Saaka oo dhufeysyo ka sameysanayey deegaanada Jilib duleedka ka ah islamarkaana lidka diyaaradaha lagu soo rakibay si ay iskaga difaacaan baa la yiri Shabaabka weeraro kale oo lagu soo qaadayo sida xalay oo kale.
HALKAAN KA DHAGEYSO
