Ra’iisul Wasaaraha Ethiopia, Hailemariam Desalegn iyo Madaxweynaha Soomaaliya Xasan Sheekh Maxamuud ayaa waxay ka wada hadleen xiriirka iyo iskaashiga ka dhaxeeya labada dal.
Labada masuul ayaa sidoo kale isla soo qaaday kaalinta ay dowladda Itoobiya ku yeelan karto arrimaha doorashooyinka Soomaaliya oo dhawaan la filayo iney dalka ka qabsoomaan iyo doorka ay ka ciyaari karto intuba.
Labada Masuul ayaa sidoo kale waxay ka wadahadleen xiriirka ka dhaxeeya labada dal.
Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud iyo wafdi uu horkacayo ayaa booqasho ku jooga magaalada Jigjiga ee caasimadda Dowlad Degaanka Soomaalida Ethiopia.
Waa markii ugu horeysay ee Madaxweyne Soomaaliyeed uu booqdo magaalada Jigjiga, taas oo booqashan ka dhigeysa mid taariikhi ah, qeybna ka ah xoojinta xiriirka labada dal ee deriska ah.
Madaxweyne Xasan Sheekh Maxamuud ayaa kulamo la yeeshay madaxda degaanka oo uu ka mid yahay Madaxweynaha Dowlad Degaanka Soomaalida Ethiopia, Mudane Cabdi Maxamuud Cumar.
HALKAAN KA DHAGEYSO
