Wararka ka imaanaya deegaanka Buulomareer ee Gobolka Shabeelaha Hoose ayaa sheegaya in kooxo Hubeysan ay xalay qof rayid ah ku dileen gudaha deegaankaas.

Dilka Shaqsigaasi ayaa yimid kadib markii Kooxo Bastoolado ku hubeysan ay rasaas ku fureen xilli uu ka soo baxay Masjid ku yaalla deegaanka Buulomareer iyadoona kooxihii falkaas geystay ay goobta isaga baxsadeen.

Dhinaca kale Dhame Cabdisalaan Adan Maxamed oo ka mid ah Saraakiisha Ciidamada Dowladda ee Gobolka Shabeelaha Hoose  ayaa sheegay in xilliga dalka uu dhacayay Ciidamadu ay howlgallo ka wadeen qeybo ka mid ah deegaankaasi markii ay ka war heleen falkaas dilka ahna ay durba meesha wax ka dhaceen gaareen.

Dhawaan Al Shabaab ayaa weerar culus waxa ay ku qaadeen Saldhiga deegaanka Buulomareer ee Gobolka Shabeelaha Hoose.