Wararka naga soo gaaraya isgoyska Siinay ee magaalada Muqdisho ayaa sheegaya in Qarax loo adeegsaday Gaari walxaha Qarxa laga soo buuxiyay uu ku qarxay isgoyska Siinay sida ay Risaala u sheegeen Dadka kunool Halkaasi.
Warbaahinta dowladda ayaa baahisay in ciidamo ka tirsan dowladda Soomaaliya oo baacsanaayay kooxo hubeysan oo watay gaari ay gaarigii ka carareen ka dibna uu gaarigii sidaasi ku qarxay.
Dadka deegaanka ayaa sheegay in ay arkeen gaariga goobta ku qarxay waxayna Risaala u sheegeen in ay arkaayeen khasaaro kala duwan oo ka dhashay qaraxa gaarigaasi.
