Wararka inaga soo gaaraya Duleedka degmada Baardheere ee gobolka Gedo ayaa waxa ay sheegayaan in shil Gaari halkaasi uu ka dhacay, waxaana uu sababay khasaare dhaawac ah.
Mid ka mid ah Gawaarida ciidanka oo ay wateen Askar ka tirsan ciidanka Soomaaliya ayaa la sheegay in uu ku rogmaday duleedka degmadaasi.
Dadka deegaanka ayaa sheegay in shilkaasi ay ku dhaawacmeen ilaa 7 ka mid ah Askartii Gaarigaas la socotay, waxaana jirin khasaare dhimasho ah oo shilkaasi ka dhashay.
Askartii dhaawaca uu ka soo gaaray shilkan ayaa waxaa loola cararay isbitaal ku yaala degmada Baardheere halkaasi oo lagu dabiibayo xaaladooda caafimaad.
Ilaa iyo hada lama oga sababta keentay shilkan Gaari balse wararka qaar ayaa sheegaya in dhulka uu ku socday Gaariga uu ahaa mid bur bursan.
