Wararka naga soo gaaraya magaalada Gaalkacyo ee xarunta gobolka Mudug ayaa sheegaya in ciidamada maamulka Puntland ay ka wadaan magaalada Gaalkacyo howlgallo lagu soo qabtay dhalinyaro aad u farabadan.
Dadka ku sugan Waqooyiga magaalada Gaalkacyo ayaa kusoo waramaya in ciidanka maamulka Puntland ay xalay saqdii dhexe u daateen qaar ka mid ah guryaha waqooyiga magaalada Gaalkacyo oo uu ka arimiyo maamulka Puntland.
Dad u badan dhalinyaro ayaa laga soo qabtay guryaha waxaana loo qaaday xabsiga magaalada Gaalkacyo , halkaasi oo ay ciidanka maamulka Puntland ay baaritaano ku hayaan dadka lagu soo qabtay howlgallada Gaalkacyo.
Maamulka Puntland ayaa wacad ku maray in ay adkeen doonaan amniga magaalada Gaalkacyo , ka dib markii ay ka dhaceen Qaraxyo ay nafwaayeen ku dhawaad 30 qof oo isku jira shacab iyo ciidan.
Gaalkacyo waxaa jooga xubno sar sare oo ka tirsan maamulka Puntland , kuwaa soo wax ka wada howgallka lagu xaqiijinaayo amniga magaalada Gaalkacyo ee xarunta gobolka Mudug.
Axadii magaalada Gaalkacyo waxaa ka dhacay Qaraxyo xooggan oo sababay dhimashada ku dhawaad 30 qof ,waxaan qaraxyadaasi loo adeegsaday gawaari laga soo buuxiyay walxaha qarxa iyo ismiidaamin .
Puntland waxa ay sheegaysa in ay waxbadan ka baratay Qaraxyadii Gaalkacyo ayna laba jibaari doono amniga magaalada Gaalkacyo .
