Waxaa maanta magaalada Muqdisho Tababar loogu soo xiray ciidamo ka tirsan kuwa Xoogga dalka Soomaaliyeed, gaar ahaan ciidanka Danab.
Munaasabadda tababarka loogu soo xirayey ciidamadan ayaa waxaa ka qeyb galay Taliyaha ciidamada Xoogga dalka General Maxamed Aadan Axmed, Mas’uuliyiin ka tirsan Dowladda, Saraakiil ciidan iyo xubno kale.
Ciidamada maanta Tababarka loo soo xiray ayaa wuxuu Tababar uga socday mudo ku dhow Sideed Bilood Dugsiga Tababarka ciidanka ee General Dhaga-badan ee magaalada Muqdisho.
Taliyaha ciidamada xooga dalka Soomaaliyeed General Maxamed Aadan Axmed ayaa sheegay in ciidankan oo kamid ah Danab ay u diyaarsan yihiin sidii Shabaab ay uga difaaci lahaayeen dalka, isagoo ciidankana kula dar daarmay in si daacad ah ay ugu adeegaan dalka.
Taliyaha ayaa sidoo kale wuxuu sheegay in ciidankan Tababarka loo soo xiray ay qeyb ka yihiin kuwa dhowaan Howlgalada ka dhanka ah Shabaab ka bilaabi doona Gobolada dalka.
