Dadkii ku dhaawacmay weerarkii Qaraxa ku bilowday ee ururka Al Shabaab ay ku qaadeen Maqaaxida Pizza House oo ku taalla degmada Hodan ee Gobolka Banaadir, gaar ahaan meel ku dhow Isgoyska Zoobe ayaa la geeyay Isbitaalada ku yaalla magaalada Muqidsho.
Isbitaalada dhaawacyada la gaarsiiyay ayaa waxaa ka mid ah Isbitaal Madiina oo inta badan qaabila dadka ku waxyeelooba Qaraxyada ka dhaca Muqdisho.
Agaasimaha Isbitaalka Madiina Maxamed Yuusuf oo warbaahinta la hadlay ayaa sheegay ilaa hada in la soo gaarsiiyay dhaawacyo gaaraya 15 ruux, 8 ka mid ah dhaawacyadooda wuu sahlanaa dib ayaa guryahooda loogu celiyay, halka 7-da kalena la jiifiyay, balse mid ka mid ah ayaa ku geeryooday gudaha Isbitaalka.
Wuxuu sheegay in ay ku guuleysteen qaliimada dadkii ku dhaawacmay weerarkii Pizza House, isaga oo sidoo kale tilmaamay in aysan jirin dhaawacyo qaar oo u baahan dibadda, kuna filan yihiin daweyntooda.
Weerar Shabaab ay ku qaadeen Maqaaxida Pizza House oo ka soo horjeeda Maqaaxida kale ee lagu magacaabo Posh Treats ayaa waxaa ku geeryooday 18 QOf, halka sidoo kale ay ku dhaawacmeen 19 kale, sida ay sheegeen laamaha ammaanka Dwoaladda Federaalka.
Hoos ka Dhageyso Codka:-
