Muqdisho (AGGM): Arday dhigata Jaamacada Banaadir qeybta KM13 ee duleedka Muqdisho ayaa saaka ku dhaawacantay shil gaari ka dhacay wadada u dhaxeysa Muqdisho iyo Afgooye, iyadoo Ardayda gaari ka soo raacay mid ka mid ah degmooyinka Gobolka Banaadir.
Saddex ka mid ah ardaydii saarneyd gaariga ayaa dhaawacatay, markii gaariga ay la socdeen ay lugta u baxday, sida uu xaqiijiyay Arday ka bad baaday shilkan.
“Gaariga waxaa ka soo raacnay degmada Dharkeenley, waxaan aheyn koox Arday ah oo subax walba gaari soo kireysta, waxaan u soo soconay Jaamacada Banaadir qeybteeda KM13, gaariga oo baasay gaari kale ayaa si lama filaan ah wadada ugu baxay”ayuu yiri mid ka mid ah ardaydii ka bad baaday shilka oo la hadlay Warbaahinta Muqdisho.
Ardayda dhaawacantay ayaa loola cararay Isbitaalka Madiina ee magaalada Muqdisho, iyadoo mid ka mid ah ardayda uu dhaawacooda culus yahay.
Shilalka gaari ee ka dhaca magaalada Muqdisho ayaa dhowrkii todobaad ee u dambeeyay ka dhacayay magaalada Muqdisho, iyadoo Taliska Nabadgelyada wadooyinka uu sheegay in shilalka uu sababo xirfad la’aanta darawalada ku kaxeeya gaadiidka wadooyinka Muqdisho.
Halkan Guji Kuna Dhageyso Mobilkaaga…..
Halkan Hoose Ka Dhageyso Dhaawaca Ardayda
Isha Ku Hay Allgalgaduud Media
allgalgaduud@gmail.com
