Muqdisho (AGGM): Taliyaha Ciidamada ilaalada wadooyinka ee loo yaqaano Taraafikada Gen.Cali Xirsi Barre Cali Gaab oo warbaahinta la hadlay ayaa waxa uu faahfaahin ka bixiyay Howlgalo ay Ciidamada ilaalada Wadooyinka ka sameeyeen Qaar ka mid ah Wadooyinka Magaalada Muqdisho waxa uuna sheegay in sanadkaan cusub ay bilaawayaan howlgalo joogto ah oo ay ka sameynayaan Wadooyinka Magaalada Muqdisho.
Gen. Cali Gaab ayaa sidoo kale ka hadlay Qaar ka mid ah Samaafaraha kala haga Gawaarida ee aan ka shaqeyn qaar ka mid ah Iskoosyada Magaalada Muqdisho kuwaasi oo horay loo xeray waxa uuna sheegay iney cilad ku timaaday ayna wadaan Qorshe ay ku sameynayaan Samaafarahasi, isagoona xusay in inta badan ay yihiin kuwa shaqeeya oo aan lahayn wax cilad ah.
Taliyaha Ciidamada ilaalada wadooyinka ee Gen. Cali Xirsi Barre Cali Gaab ayaa ugu dambeyn waxa uu digniin u diray dadka gawaarida ku dhaqa hareeraha wadooyinka, sidoo kale waxa uu fariin u diray dadka caadeystay in ay iska calaameeyaan ama ay falaaro u sameeyeen qaar ka mid ah Iskooosyada Magaalada Muqdisho, waxa uuna sheegay in dadka waxasi sameynayan ay ka qaadi doonaan Talaabo Sharci ah.
Isha Ku Hay Allgalgaduud Media
allgalgaduud@gmail.com
