Malaysia (AGGM):Jaaliyada Galmudug ee dalka Malaysia ayaa Hogaan Cusub Doortay, Xilli Gudoomiyahii Hore Mohamed Idiris Ali uu ka dhamadaay waqtigii loo idmaday in uu hogaamiyo jaaliyada ardayda Galmudug ee dalka Malaysia.
kulanka lagu dooranayay gudoomiyaha cusub Mudane Aweis Abshir Dirie ayaa waxaa ka soo qayb galay inta badan jaaliyada ardayda galmudug ee dalka Malaysia, sidoo kale waxaa goob joog ka ahaa qaar ka mid ah dibaad jooga iyo weliba siyasiyiinta galmudug.
General Ahmed Diriye Farah oo madasha ka hadlay ayaa ugu baaqay in la adkeeyo iska warqabka ka dhaxeeya guud ahaan jaaliyada galmudug ee dalka Malaysia arday iyo weliba dadka deegan ahaanta ugu nool.
Sidoo kale Ugaas Ahmed Osman Rooble “Minister” oo isna goobta ha hadlay ayaa ugu hambalyeeyay gudoomiyaha cusub ee jaaliyada Galmudug ee Dalka Malaysia Mudane Aweis Abshir Diriye Xilka adag ee loo igmaday Mudada Sanadka ah ee sooo socota, wuxuuna kula dardarmay Gudoomiyaha in uusan ku eekaan kaliya U adeegida ardayda Galmudug Balse uu Guud Ahaan ardayda Somaliyeed Ee Dalka Malaysia uu Wada Shaqeeeyo.
Gudoomiyaha Xilka Ka Sii Degaya Mudane Mohamed Idiris Ali oo isna ka hadlay Madasha ayaa ku dheratay waxqabadkii uu soo qabtay inta uu xilka hayay wuxuuna kula dardarmay gudoomiyaha cusub in uu meesheeda ka sii ambaqaado.
Ugu Danbeyntii Gudoomiyaha Cusub Mudane Aweis Abshir Diriye oo gabagabada Kulanka ka hadlay ayaa aad ugu dheeraday waxa uu qaban doono, sidoo kale wuxuu ka codsaday gudoomiyaha cusub in uusan kaligiis shaqayn karin oo uu wada shaqayn joogta ah ka helo qaybaha kala duwan ee jaaliyada galmudug ee dalka Malaysia.
isku soo wada duuboo kulanka ayaa ahaa mid ku soo dhamaday jawi aad u qurux badan oo ay u riyaaqeen ka soo qayb galayashii kulanka ….
BY: Mohamed Abdirahman Ismail “Timo”
Hotel Seri Pacific – Kulalumpur
Mahamed09@gmail.com
Isha Ku Hay Allgalgaduud Media
allgalgaduud@gmail.com
