Madaxweynaha dowlad Goboleedka Hirshabeelle Cali Guudlaawe ayaa ka tacsiyeeyay shacabkii Soomaaliyeed ee ku naf waayay qaraxii Maanta Al-Shabaab ay ka geeysteen Magaalada Beledweyne ee Xarunta Gobolka Hiiraan.
Madaxweynaha ayaa Alle uga baryay dadkii shacabka ahaa iyo ciidankii ka hortagay weerarkaas bahalnimo ee ku dhimatay qaraxa in uu hoygooda ka yeelo Jannatul Firdowsa, inta ku dhaawacantayna caafimaad degdeg ah siiyo.
Inta la xaqiijiyay waxaa qaraxaan ka dhacay magaalada Beledweyne ayaa waxaa ku dhintay ugu yaraan illaa 10 qof, halka ay ku dhaawacmeen 20 kale oo u badan dad shacab ah oo aan waxba galabsan.
Si kastaba Beledweyne ayaa waxaa horay weeraro xoogan oo qaraxyo ah uga fulisay Al-Shabaab, waxaana ku geeriyooday dad farabadan oo isugu jiray Askar, saraakiil ciidan, mas’uuliyiin iypo dad shacab ah.
