Hay’adaha gargaarka ee caalamiga ah ayaa weli dalbanaya in gargaarka degdegga loo baahan yahay in loo ogolaado inuu gaaro Gaz iyadoo boqolal gawaarida xamuulka oo sahay sida ay sugayaan ogolaashihii ay kaga gudbi lahaayeen Rafah. Heyadaha Q.M ayaa shegay in dhulkaasi ay masiibo ka soo socoto maadama ay haystan biyo, koronto iyo shidaal aan ka badneyn in ay sii isticmaali karaan 24 saac.
cuntada keydka waxay ku dhammaan kartaa 4 ilaa 5 maalmood. Dadka ku nool Khan Yunis ee koonfurta Gaza way labo laabmeen maadama ay boqolaal kun ka soo qaxeen waqooyig Gaza.
Qaramaada Midoobay ayaa ka digtay in dambiyo dagaal ay tahay tallaabada Isreal ay dadka ugu sheegeyso inay baxaan iyadoo aan cunto iyo hoyi siineyn.
Dhinaca kale’ Hay’adda caafimaadka adduunka ee WHO ayaa sheegtay in ay u baahan tahay in si degdeg ah loo gaaro Gaza si loo gaarsiiyo gargaar iyo sahay caafimaad, maadaama ay ka digayso dhibaato bini’aadantinimo oo muddo dheer jirta.
Ku dhawaad kala bar 2,800 oo Falastiiniyiin ah ayaa lagu dilay Qaza 11,000 oo kalena waa lagu dhaawacay Gaza tan iyo markii ay bilowdeen duqeymaha aargoosiga ah ee Israa’iil ka dib weerarrada dilaaga ah ee Xamaas, sida ay saraakiisha WHO ku sheegeen warbixin kooban oo ay soo saartay wakaaladda wararka ee Reuters.
