Kismaayo (AGGM):Wararka naga soo gaaraya goobweeyn ee gobolka Jubbada hoose ayaa waxa ay sheegayaan in ciidamadi shalay ku dagaalamay magaalada Kismaayo qaar ka mid ah ay gaareen halkaasi fariisimaha ciidamada uu hogaamiyo Col Bare Aden Shire.
Cabdi-Rashiid Macalin Gaas oo ka mid ah saraakiisha ciidamada uu hogaamiyo Col Bare Aadan Shire Hiiraalle ayaa bahda warbaahinta u sheegay in saaka qaar ka mid ah Ciidamadi shalay kula dagaalamay gudaha magaalada Kismaayo maleeshiyada beesha Absame ay soo gaareen fariismaha ciidamada Col. Bare Aden Shire ku leeyihiin duleedka magaalada Kismaayo.
Warkan ayaa intaas waxa uu ku darayaa oo uu sheegay Cabdi-Rashiid Macalin Gaas oo ku sugan duleedka Magaalada Kismaayo inay soo gaareen in ka badan 30-askari oo kamid ahaa ciidamadi isaga soo baxay magaalada Kismaayo.
Isku soo wada duuboo Cabdirashiid Macali ayaa waxa kale oo uu sheegay weli in firxadka maleeshiyada ay qaarkood weli jidka ku soo jiraa oo ay koox koox uugu imaanayaan.
Isha Ku Hay Allgalgaduud Media
allgalgaduud@gmail.com
