Baladweyne (AGGM):Rag bastoolado ku hubeysan ayaa xalay xaafadda Buundo-weyn ee magaalada Beledweyne waxaa ay ku toogteen Alle ha u
naxariisteen Ustaad C/qaadir Ibraahim Magan (Cabdi Kabtan) oo ka mid ahaa macalimiinta sidda weyn looga garanayo guud ahaanba gobolka, dhinaca kalana ka mid ahaa wadaad diinta ku xeel dheer khudbada Jimcahana ka jeedin jiray masjidka Al-nuur ee magaalada Beledweyne.
Marxuum-ka ayaa la sheegay in ay weerar ku qaadeen saddex dhalinyarro ah oo ku hubeysneyd bastoolado xili uu ka soobaxay masjid uu ku soo tukaday salaadii taraawiixda, sidda ay inoo sheegeen in ay masjidka ku wada tukadeen Ustaadka, waxaana goobta ka baxsaday raggii dilka geystay.
Ustaad Kabtan waxaa uu ahaa nin dhalinyarro ah, aqoonyahan ahaa, runtiina ka mid ahaa macalimiinta sidda weyn loogu qadariyo aqoonta maadiga iyo waliba diinta, waxaana dilkiisa siweyn uga naxay guud ahaanba bulshada ku dhaqan magaalada Beledweyne iyo ardeydii uu wax bari jiray marxuum-ka.
Isha Ku Hay Allgalgaduud Media
allgalgaduud@gmail.com
