Muqdisho (AGGM):Wadooyinka waaweyn iyo isgoysyada magaalada ayaa waxaa xalay la soo dhigay ciidamo isugu jira kuwaamaanka dowlada iyo AMISOM oo ku hubeysan gaadiidka dagaalka iyo kuwa gaashaaman.
Xarumaha waaweyn ee dowlada sida madaxtooyada iyo meelo kale ayaa lagu kordhiyey baro control oo cusub, iyadoo meelaha qaarkood lagu gooyey dhagxaan la shubay oo waaweyn si uusan wax gaadiid ah uga soo gudbin.
Xarakada Al-shabaab ayaa ku hanjabtay iney bisha Ramadaan xoojin doonto weerarada ay ka geysaneyso magaalada Muqdishoxooga-dalka iyo degaanada kale ee aymaamulaan ciidamada dowlada iyo AMISOM.
Madaxweynaha Somalia ayaa sheegay in iyadoo laga feejigan yahay weeraro ay soo qaado Al-shabaab bisha Ramadaan ay dowladu diyaarisay howlgal gaar ah oo loogu magac daray (Nabad ku afur) kaasoo ay ka qeyb qaadanayaan ciidamada Booliska, nabad sugida iyo kuwa AMISOM.
Shacabka magaalada Muqdisho ayaa ka walaacsan hanjabaadaha ay hawada isu marinayaan dowlada Somalia iyo Al-shabaab, iyadoo maanka ku haya una soo joogay bilihii hore ee Ramadaanka oo ay goob joog u soo ahaayeen weeraro dhiig badan uu ku daatay oo magaalada ka dhacay.
Isha Ku Hay Allgalgaduud Media
allgalgaduud@gmail.com
