Muqdisho, AGGM: Kooxda falaagada ah ee Al-shabaab ayaa Madaafiic ku garaacay Saldhigyo Ciidamada Dowladda Soomaaliya iyo kuwa Midowga Afrika ee AMISOM ay ku leeyihiin Degmada Qoryooleey ee Gobolka Shabellaha Hoose.
Ilaa Dhowr Hoobiye oo Al-shabaab ay soo tuureen ayaa ku soo dhacay Degmada Qoryooleey iyo Fariisimo Ciidamada AMISOM iyo kuwa Dowladda Federaalka ay Degmada ku leeyihiin.
Gudoomiyaha Cusub ee Degmada Qoryooleey oo Saaka warbaahinta la hadlay ayaa sheegay in Madaafiicda ay Khasaaro ka soo gaartay Dad Shacab ah oo Degmada ku sugnaa.
Maxamed Xaaji Cismaan Gudoomiyaha Degmada Qoryooleey ayaa sheegay in ugu yaraan 4- Qof oo Shacab ah ay ku dhaawacmeen Madaafiicda Al-shabaab ay soo tuureen.
Al-shabaab ayaa tiro dhowr jeer ah Degmada Qoryooleey ku qaaday Weeraro toos ah iyo kuwa Madaafiic ah.
Isha Ku Hay Allgalgaduud Media
allgalgaduud@gmail.com
