Nairobi, AGGM:Faah faahino kala duwan ayaa ka soo baxaya Qasaaraha ka dhashay Weerar Culus oo Xalay Dagaal yahano ka tirsan Ururka Al Shabaab ay ku qaadeen Bus marayay Degaanka Witu ee Jaziirada Magaalada Lamu ee Dalka Kenya.
7 Ruux oo 4 ka mid ah ay yihiin Ciidamada Booliska Kenya, Labo Rakaabkii Saarnaa Gaariga iyo Darawalka kaxeenayay ayaa ku dhintay waxaana sidoo kale ku dhaawacmay 8 kale oo isugu jiro Rakaab iyo Askar.
Weerarkan oo ka dhacay Degaanka Witu ee Jaziirada Magaalada Lamu ayaa dhabarka waxaa u ritay Ururka Al Shabaab waxaana sheegay Afhayeenkooda dhanka Howlgallada Sheekh Abuu Muscab oo la hadlay AFP.
8-da Ruux ee waxyeelada ay ka soo gaadhay Weerarkii Al Shabaab ay ku qaadeen Jaziirada Magaalada Lamu ayaa waxaa la dhigay Isbitaalka Malindi oo 117 Km u jira Degaanka Witu ee Weerarka uu ka dhacay.
Sikastaba, Weerarkan ayaa waxuu daba socdaa Weeraro kala duwan oo Al Shabaab ay ku qaadeen Degaano dhaca Jaziirada Magaalada Lamu ee Dalka Kenya iyadoona Al Shababa ay shaaciyeen in Weerarkooda ay u rareen Dalka Kenya.
Isha Ku Hay Allgalgaduud Media
allgalgaduud@gmail.com
