Gaalkacyo (AGGM): Wararka ka imaanaya Magaalada gaalkacyo ee xarunta Gobalka Mudug ayaa waxa ay sheegayaan inuu halkaasi iminka ka socda dagaal xoogan oo udhaxeeya ciidamada Booliiska Gaalkacyo iyo shacab diidan xisbiga Madaxweyne Faroole.
Dagaalka ayaa ka qarxay barxada xaruntii hore ee Gobalka waxaana dagaalka uu biloowday xilli shacabka ay si adag kaga soo horjeesteen Xisbiga Horseed ee Madaxweyne Faroole oo maalmahan ololaha doorashooyinka ka waday Gaalkacyo.
Dhawaaqa rasaasta ayaa laga maqlayaa waqooyiga Magaalada Gaalkacyo,ilaa hada lama xaqiijin karo rasmi ahaan khasaaraha ka dhashay dagaalka.
Shacabka la dagaalamaya ciidanka ayaa wata hubka noocyadiisa kala duwan,iyadoo ay adag tahay in Booliiska ay u babac dhigaan shacabka.
Ciidanka dagaalamaya ayaa wararka qaar waxa ay sheegayaan in laga keenay Magaalada Garoowe ee xarunta Gobalka Nugaal.
Isha Ku Hay Allgalgaduud Media
allgalgaduud@gmail.com
